Transcription
1
Reçue à Grenoble, le 24 janvier 1573.
2
Monseigneur, hier soir arriva en ceste ville monsieur le
3
baron de Castres de Languedoc revenant de la court
4
de la part du pays assez mal satisfaict à ce quil monstra
5
par ses propos, du succez de sa negotiation qui estoit
6
en partie pour la suppression des nouveaux offices
7
creez en ladite province. Il dict au reste que monsieur
8
de Tavanes est mort à Montlehery d’une dissenterie.
9
Au moins asseure il qu’avant son partement de la court,
10
le dit sieur estoit jà si bas que son filz aisné estoit
11
venu demander quelque part de ses estatz, dont
12
on luy avoit seulement accordé la compaignie, donné
13
la mareschaucée à monsieur le conte de Retz avec le
14
gouvernement de Prouvence, et celluy de Metz à monsieur
15
de La Tour son frère. Il estime que lon bat desià
16
Sancerre et dict qu’on se promet davoir La Rochelle
17
en vingt jours, sus l’asseurance qu’en donne l’ingenieur
18
qui la fortiffiée, lequel est maintenant au service du
19
roy. J’estime quen serez plus amplement et au vray adverty
20
de la court, toutesfois je n’ay voulu laisser de vous en
21
escrire ce mot, et vous dire comme m’estant resolu
22
d’attendre jusques à demain monsieur le contrerolleur
23
d’Aragon pour aller de compaignie, jenvoiay dez lundy
24
matin par la poste voz pacquetz et ceulx de messieurs
25
du pays. Sur ce, faisant fin après m’estre très humblement
26
recommandé à votre bonne grace, je prie Dieu,
27
monseigneur, vous donner en très bonne santé, très heureuse
28
et longue vie. De Lyon, ce XXIe janvier 1573.
29
Votre très humble et obeissant
30
serviteur
31
Revol